د امریکا د روغتیا او بشري خدماتو وزیر، رابرټ ایف. کینیډي جونیئر، د سه شنبې په ورځ له CBS News سره په یوه مرکه کې له خلکو وغوښتل چې د شري واکسین واخلي.
کینیډي وویل:
“موږ له خلکو غواړو چې د شري واکسین واخلي.”
هغه ټینګار وکړ:
“د فدرالي حکومت دریځ، او زما شخصي دریځ دا دی چې خلک باید د شري واکسین واخلي، خو حکومت باید دا واکسینونه پر خلکو جبري نه کړي.”
کینیډي زیاته کړه چې د خپلې انتخاباتي کمپاین په ترڅ کې او نورو عامه څرګندونو کې یې تل دا ویلي چې:
“زه د خلکو څخه واکسینونه نه اخلم، بلکې زه به دا باوري کړم چې ښه ساینس ولرو، څو خلک وکولای شي باخبره پرېکړه وکړي.”
دا څرګندونې داسې مهال کېږي چې د شري (measles) ناروغۍ خپرېدل له یو شمېر ایالتونو اوښتې، او تر اوسه پورې نږدې ۶۰۰ قضیې ثبت شوې دي.
تر سه شنبې پورې، د شري وضعیت په ایالتونو کې داسې دی:
تېکساس: ۵۰۵ قضیې
نیو میکسیکو: ۵۶ قضیې
اوکلاهوما: ۱۰ قضیې (۸ تایید شوي، ۲ احتمالي)
کانزاس: ۲۴ قضیې، چې د دولتي چارواکو په وینا ممکن د همدې خپرېدنې سره تړاو ولري.
کارپوهان وايي، دا ښايي یوازې د شري ناروغۍ پیل وي، او نورې زیاتې پېښې ممکن وي.