د وسلو کمولو او نهخورېدو نړیواله ورځ د دې لپاره نمانځل کېږي چې عام ولس، په ځانګړي ډول ځوانان، د وسلو د خطرونو او د وسلو محدودولو د اړتیا په اړه لا زیات پوه شي.
د ملګرو ملتونو له جوړېدو راهیسې، د وسلو کمول او محدودول د نړیوالې سولې او امنیت د ساتلو لپاره اساسي موخې بلل شوي دي.
د ډلهییزې تباهۍ وسلې، په ځانګړي ډول اټومي وسلې، تر ټولو ستر ګواښ بلل کېږي، ځکه چې د دوی د تباهۍ ځواک ډېر زیات دی او د ټولې نړۍ لپاره خطر رامنځته کوي. د عادي وسلو زیاتېدل او د سپکو وسلو غیرقانوني سوداګري نړیواله سوله، امنیت، او دوامداره پرمختګ زیانمنوي. همداراز، د چاودېدونکو وسلو کارول په ګڼ میشته سیمو کې ملکي خلک له جدي خطر سره مخ کوي.
همداراز، نوې وسلې، لکه خودمختاره (اتومات) وسلې، نړیوال امنیت ته نوی ګواښ رامنځته کوي او نړیوالې ټولنې په وروستیو کلونو کې دې موضوع ته ځانګړې پاملرنه کړې ده.
دا نړیواله ورځ هر کال د مارچ په ۵مه لمانځل کېږي او د عامه پوهاوي د زیاتولو له لارې خلکو ته ښيي چې د وسلو کمولو هڅې څنګه د سولې، امنیت، او د جګړو د مخنیوي لپاره مرسته کوي.
د ملګرو ملتونو عمومي اسمبلۍ د A/RES/77/51 پرېکړه لیک له لارې له ټولو غړو هېوادونو، سازمانونو، رسنیو، مدني ټولنو، او وګړو غواړي چې دا ورځ د عامه پوهاوي او تعلیمي فعالیتونو له لارې ونمانځي.