آسکر ایوارڈز کی 60 سالہ تاریخ میں پہلی بار اس تقریب میں بچھائے جانے والے سرخ قالین کا رنگ تبدیل کردیا گیا ہے۔
بین الاقوامی میڈیا کی رپورٹ کے مطابق گزشتہ کئی برسوں کے دوران آسکر ایوارڈز کی تقریب میں کافی تبدیلیاں دیکھنے کو ملیں لیکن گزشتہ 6 دہائیوں میں اس تقریب میں بچھنے والے سرخ قالین کارنگ نہیں بدلا گیا تھا۔
غیرملکی میڈیا کے مطابق اب ہالی ووڈ کے ڈولبی تھیٹر کے باہر شیمپین کلر کا کارپیٹ بچھایا گیا ہے، قالین کا رنگ تبدیل کرنے کا فیصلہ انوویشن کنسلٹنٹس لیزا لیو اور راول اویلا نے کیا۔
آج لاس اینجلس میں 95 ویں اکیڈمی ایوارڈز کی میزبانی جمی کیمل کریں گے۔
یاد رہے کہ آسکر ایوارڈز کی تقریب میں ریڈ کارپٹ بچھائے جانے کے رجحان کا آغاز 1961ء میں ہوا تھا۔