مشہور میوزک ٹریک ’کہانی سنو‘ سے شہرت پانے والے نوجوان گلوکار کیفی خلیل نے اپنے نئے گانے کے جَلد ریلیز ہونے کا عندیہ دیا ہے۔
کیفی خلیل نے عید کے موقع پر ڈیجیٹل پلیٹ فارم کے معروف میزبان جنید اکرم کی پوڈ کاسٹ کے لیے انٹرویو دیا ہے۔
اس دوران کیفی خلیل نے اپنے میوزک ٹریک ’کہانی سنو‘ سے متعلق بات کرتے ہوئے کہا کہ یہ میرا پرانا گانا تھا، میں نے اس گانے کو دوبارہ لکھ کر گایا، میں نے سوچا کہ کیوں نہ اب اس گانے کے ساتھ انصاف کیا جائے، ’کہانی سنو‘ کو ری کمپوز کرنا تھا کہ یہ ٹریک دنیا بھر میں وائرل ہو گیا اور پسند کیا جانے لگا۔
کیفی خلیل کا یہ بھی کہنا ہے کہ اپنے آنے والے نئے گانے میں ’ کہانی سنو‘ سے جو کہانی شروع ہوئی ہے اُسے آگے لے کر چلوں گا اور مزید گلے شکوے کرتا نظر آؤں گا۔