ٹونگا میں6.4 شدت کا زلزلہ

بحرالکاہل میں نیوزی لینڈ کے قریب واقعہ ملک ٹونگا کے جنوبی علاقےمیں زلزلہ آیا ہے جس کی شدت 6.4 ریکارڈ کی گئی ہے۔

یورپی زلزلہ پیمامرکز کے مطابق ٹونگا کے جنوبی جزائر میں آنے والے 6.4 شدت کے زلزلے کی گہرائی 40 کلو میٹر تھی۔

فوری طور پر زلزلے سے ہونے والے جانی اور مالی نقصان کی اطلاع موصول نہیں ہوئی ہے۔

خیال رہےکہ 10 روز قبل بھی ٹونگا میں زلزلہ آیا تھا جس کی شدت ریکٹر اسکیل پر 7.2 ریکارڈ کی گئی تھی، یہ زلزلہ 167 کلومیٹر کی گہرائی میں آیا تھا۔

امریکی سونامی سینٹر نے زلزلےکے بعد سونامی کے خطرے کے امکان کو رد کیا تھا اور اس حوالے سےکوئی وارننگ جاری نہیں کی گئی تھی۔