حکومت نے کلائمیٹ فنانسنگ کے لیے آئی ایم ایف سے دوبارہ درخواست کرنے کا فیصلہ کر لیا۔
ذرائع کے مطابق وزیرِ خزانہ آئی ایم ایف سے 2 ارب ڈالرز کلائمیٹ فنانسنگ کے لیے درخواست کریں گے۔
ایم ڈی آئی ایم ایف سے ملاقات کے دوران کلائمیٹ فنانسنگ پر وزارت خزانہ کی ورکنگ مکمل ہے، کلائمیٹ فنانسنگ کے لیے پہلی درخواست کو آئی ایم ایف نے نہیں مانا تھا۔
ذرائع وزارت خزانہ کا کہنا ہے کہ آئی ایم ایف حکام کے ساتھ قرض پروگرام کے بعد اہداف پر عملدرآمد پر ابتدائی جائزہ رپورٹس کا جائزہ لیا جائے گا۔
وزیر خزانہ محمد اورنگزیب آئی ایم ایف کی سالانہ میٹنگز میں شرکت کے بعد ہفتے کے اختتام تک واپس آئیں گے۔