بیجنگ: بیجنگ میں جون 2020ء کے بعد سے اب تک کے سب سے زیادہ کورونا کیسز رپورٹ ہوئے ہیں۔غیر ملکی خبر رساں ادارے کے مطابق نیشنل ہیلتھ کمیشن کا کہنا ہے کہ بیجنگ میں 24 گھنٹوں کے دوران کورونا کے 20 نئے کیسز رپورٹ ہوئے ہیں۔
میڈیا رپورٹس کے مطابق بیجنگ میں کورونا کیسز بڑھنے پر کچھ ہاؤسنگ کمپاؤنڈز میں لاک ڈاؤن نافذ کیا گیا ہے۔نیشنل ہیلتھ کمیشن کا یہ بھی کہنا ہے کہ بیجنگ کے سب سے متاثرہ ضلع میں 2 ملین آبادی کے کورونا کے ٹیسٹ شروع کردیئے گئے ہیں۔واضح رہے کہ چین بھر میں عالمی وباء کورونا وائرس کے 54 نئے کیسز رپورٹ ہوئے ہیں۔