غزہ میں اسرائیلی فوج کے وحشیانہ حملے جاری ہیں جہاں گزشتہ 24 گھنٹوں میں مزید 72 فلسطینی شہید ہوگئے۔
فلسطینی وزارت صحت کے مطابق 7 اکتوبر سے اب تک شہید فلسطینیوں کی تعداد 32 ہزار 142 ہوگئی۔
اسرائیلی حملوں سے 7 اکتوبر سے اب تک 74 ہزار 412 فلسطینی زخمی ہوئے۔
اسرائیل کی مقبوضہ مغربی کنارے میں چھاپا مار کارروائیاں جاری ہیں۔
عرب میڈیا کی رپورٹ کے مطابق اسرائیلی فورسز نے مغربی کنارے سے 15 فلسطینیوں کو گرفتار کرلیا ہے۔
میڈیا رپورٹس کے مطابق 7 اکتوبر کے بعد سے مغربی کنارے سے 7 ہزار 740 فلسطینیوں کو گرفتار کیا جاچکا ہے۔