میکسیکو: ٹریفک حادثہ، 53 افراد ہلاک
میکسیکو : میکسیکو کی جنوبی ریاست چیاپاس میں ٹریفک حادثہ پیش آیا ہے جس کے نتیجے میں 53 افراد ہلاک، 54 زخمی ہو گئے۔غیر ملکی خبر ایجنسی کے مطابق چیاپاس کے حادثے میں ہلاک ہونے والوں کی اکثریت تارکینِ وطن کی ہے، جو امریکا جانا چاہتے تھے۔
غیر ملکی خبر ایجنسی نے یہ بھی بتایا ہے کہ حادثہ تیز رفتاری کے باعث ٹریلر کے موڑ کاٹنے کے دوران پیش آیا ہے۔ہلاک ہونے والوں کی لاشوں اور زخمیوں کو مقامی اسپتال منتقل کر دیا گیا ہے، جہاں زخمیوں کو طبی امداد دی جا رہی ہے۔