پاک فوج نے ایل او سی پر ایک بار پھر بھارتی فوج کا کواڈ کاپٹر مار گرایا ہے۔
سیکیورٹی ذرائع کے مطابق بھارتی فوج کا کواڈ کاپٹر پاکستانی علاقے کی جاسوسی کر رہا تھا۔
بھارتی کواڈ کاپٹر 25 فروری کو دن 12 بج کر55 منٹ پر ایل او سی پر مار گرایا گیا،پاک فوج نے جس کی باقیات کی تلاش کا کام شروع کیا تھا۔
سیکیورٹی ذرائع کے مطابق 26 فروری کو ایل او اسی پر پاکستانی علاقے میں کواڈ کاپٹر کی باقیات مل گئیں۔
کواڈ کاپٹر پر انڈین آرمی کے ایک یونٹ کا نشان بھی موجود ہے،یہ نشان تصدیق کرتا ہے کہ یہ کواڈ کاپٹر انڈین آرمی کا ہے۔
واضح رہے کہ پاک فوج کی جانب سے اس سے قبل بھی بھارتی فوج کے کئی جاسوس ڈرون اور کواڈ کاپٹر مار گرائے جا چکے ہیں۔