بھارت میں مسلم دشمنی کی ایک اور مثال -بھارتی ریاست کرناٹک میں ہندو انتہا پسندوں نے باحجاب طالبات پر زندگی تنگ کردی۔
کرناٹک میں سڑک سے گزرتی اکیلی طالبہ کو زعفرانی رنگ کے مفلر پہنے انتہا پسندوں کی جانب سے تنگ کرنے کی ایک ویڈیو بھی وائرل ہوئی ہے۔ کالج جانے والی طالبہ کو انتہا
پسندوں نے ڈرایا دھمکایا، طالبہ نے بھی ڈٹ کر ہراساں کرنے والوں کا مقابلہ کیا۔
یاد رہے کہ کرناٹک کی ہائی کورٹ میں باحجاب طالبات پر پابندی سے متعلق سماعت ہورہی ہے۔ اس موقع پر کرناٹک میں انتہا پسندوں کی جانب سے عدالت پر دباؤ ڈالنے کے لیے مظاہرے کیے جارہے ہیں۔ واضح رہے کہ بھارت کی جنوب مغربی ریاست کرناٹک میں دو کالجز نے باحجاب طالبات کو داخلے سے روک دیا ہے۔