Shahrukh Khan Security Mistake: جمعرات کی رات شاہ رخ خان کے گھر ‘منت’ میں دو نامعلوم افراد غیر قانونی طور پر داخل ہوئے۔ وہاں موجود سکیورٹی گارڈز نے انہیں پکڑ کر باندرہ پولیس کے حوالے کر دیا۔
ممبئی۔ بالی ووڈ سپر اسٹار شاہ رخ خان کی سکیورٹی میں کوتاہی کا بڑا معاملہ سامنے آگیا۔ جمعرات کی رات شاہ رخ خان کے گھر ‘منت’ میں دو نامعلوم افراد غیر قانونی طور پر داخل ہوئے۔
وہاں موجود سیکورٹی گارڈز نے انہیں پکڑ کر باندرہ پولیس کے حوالے کر دیا۔ باندرہ پولیس نے دونوں لوگوں کے خلاف آئی پی سی کی دفعہ 452/34 کے تحت مقدمہ درج کیا ہے۔
بتایا جا رہا ہے کہ دونوں افراد گجرات کے رہنے والے ہیں اور شاہ رخ خان کے مداح ہیں۔ فی الحال پولیس ان دونوں سے پوچھ گچھ کر رہی ہے۔ ساتھ ہی احتیاط کے طور پر شاہ رخ خان کے گھر کی سکیورٹی بڑھا دی گئی ہے۔
باندرہ پولیس اسٹیشن کے ایک اہلکار نے میڈیا کو بتایا کہ ‘منت’کے سکیورٹی گارڈس نے ان دونوں کو دیکھا، جو بغیر اجازت بنگلے میں داخل ہوئے تھے اور انہیں پکڑ لیا گیا ہے۔ دونوں نوجوانوں کی عمر تقریبا 20 سال ہے۔
س کے بعد شاہ رخ خان کے عملے کو اس واقعے کے بارے میں بتایا گیا۔ پہلے منت کے گارڈز نے دونوں سے پوچھ گچھ کی اور کچھ دیر بعد پولیس کو اس کی اطلاع دی۔ دونوں گرفتار نوجوانوں کو باندرہ پولیس اسٹیشن لانے کے لیے ایک ٹیم بھیجی گئی۔ افسر نے کہا کہ دونوں افراد کے خلاف ایف آئی آر درج کرنے سے پہلے ان سے طویل پوچھ گچھ کی گئی۔
باندرہ پولیس کا کہنا ہے کہ ایسا لگتا ہے کہ دونوں لوگ مداح ہیں اور شاہ رخ خان کی قریبی جھلک دیکھنا چاہتے تھے۔ اب تک کی تفتیش میں اn کی کسی غلط نیت کا پتہ نہیں چل سکا ہے۔ پولیس نے ان کے اہل خانہ سے رابطہ کی معلومات حاصل کی ہیں اور انہیں کال کر رہے ہیں۔ گجرات پولیس اس بات کی بھی جانچ کرے گی کہ اn کا کسی قسم کا مجرمانہ ریکارڈ ہے۔
ولیس افسر نے کہا کہ ممبئی آمد اور اس کے بعد کی سرگرمیوں کے حوالے سے ان کے بیانات کی صداقت کی بھی جانچ کی جائے گی۔ دونوں کے خلاف تعزیرات ہند (آئی پی سی) کے تحت گھر میں داخل ہونے کا مقدمہ درج کیا گیا ہے۔ ان سے پوچھ گچھ جاری ہے۔