نیویارک:کیٹ کیملانی نامی ایئرہوسٹس ٹک ٹاک پر کافی معروف ہو چکی ہے جو فضائی سفر کے متعلق کئی معلومات اپنی ویڈیوز میں لوگوں کو دیتی ہے اور کچھ اندر کی باتیں بھی بتاتی ہے۔ تاہم گزشتہ دنوں اس نے اپنے موضوع سے ہٹ کر ایک ایسی ڈرادینے والی ویڈیو پوسٹ کر دی کہ دیکھنے والے بھی خوفزدہ رہ گئے۔ ڈیلی سٹار کے مطابق کیٹ کیملانی ٹک ٹاک کے لیے نئی ویڈیو شوٹ کر رہی ہوتی ہے کہ اس دوران ایک پراسرار واقعہ رونما ہو جاتا ہے۔
رپورٹ کے مطابق اس ویڈیو میں وہ لوگوں کو بتا رہی ہوتی ہے کہ وہ کس طرح اپنے شوہر کے ساتھ ملی اور کیسے دونوں ایک دوسرے کی محبت میں گرفتار ہوئے تاہم ویڈیو بناتے ہوئے وہ اپنے گھر میں ایک سے دوسرے کمرے میں جاتی ہے اور اس کے پیچھے دروازہ خود بخود حرکت کرنا شروع کر دیتا ہے جس پر کیٹ کیملانی خوفزدہ ہو جاتی ہے۔ویڈیو کے کیپشن میں کیٹ لکھتی ہے کہ میں آج ویڈیو بنا رہی تھی کہ دیکھیں میرے پیچھے اس دروازے نے کس طرح حرکت کرنی شروع کر دی۔اس ویڈیو پر کمنٹس میں صارف نے اپنے خوف کا اظہار کر رہے ہیں اور اکثر کا کہنا ہے کہ دروازے کا اس طرح خودبخود حرکت کرنا کیٹ کے گھر میں بھوت کی موجودگی کا ثبوت ہے۔