پاکستان نے نیویارک میں منعقدہ بین الاقوامی ٹریول اینڈ ایڈونچر شو میں بہترین انٹرنیشنل ٹورازم ڈیولپمنٹ کا ایوارڈ اپنے نام کرلیا۔
غیر ملکی خبر رساں ادارے کے مطابق نیویارک میں منعقدہ بین الاقوامی ٹریول اینڈ ایڈونچر شو میں دنیا کی ساڑھے 500 سے زائد ٹورکمپنیوں،کروزلائنز اور دیگر نے شرکت کی جب کہ اس شو میں تقریباً 190ممالک نے حصہ لیا۔
پاکستان بہترین انٹرنیشنل ٹورازم ڈیولپمنٹ کا ایوارڈ جیتنے میں کامیاب رہا۔
پاکستان ٹورازم ڈیولپمنٹ کارپوریشن، ٹریڈ ڈیولپمنٹ اتھارٹی ، نیو یارک میں پاکستانی قونصلیٹ اور نجی شعبے کی کمپنیوں کے اشتراک سے قائم کیے جانے والے پاکستانی پویلین کا افتتاح امریکا میں پاکستانی سفیر مسعود خان نے کیا، پاکستان پویلین میں پاکستان کی متنوع سیاحت کے مواقع اجاگر کیا گیا ہے۔
اس موقع پر مسعود خان کا کہنا تھا کہ یہ ہمارے لیے فخر کی بات ہے کہ پاکستان پویلین کو انٹرنیشنل ٹریول اینڈ ایڈونچر شو میں بہترین ان شو کے ایوارڈ سے نوازا گیا ۔