فیس بک، واٹس ایپ اور انسٹاگرام کی مالک کمپنی ’میٹا‘ کے بانی مارک زکربرگ نے تصدیق کی ہے کہ واٹس ایپ پر نئے فیچر ’کمیونٹیز‘ پر آزمائش کا سلسلہ شروع کردیا گیا۔
مارک زکربرگ نے 14 اپریل کو اپنی فیس بک پوسٹ میں بتایا کہ ان کی ٹیم گزشتہ کچھ عرصے سے ’واٹس ایپ کمیونٹیز‘ پر کا کر رہی تھیں، جس پر اب آزمائش شروع کردی گئی۔
انہوں نے امید کا اظہار کیا کہ ان کی ٹیم چند ماہ تک فیچر کی آزمائش کے بعد اسے عام صارفین کے لیے متعارف کرائے گی۔
مارک زکربرگ نے ’واٹس ایپ کمیونٹیز‘ کے حوالے سے وضاحت کی کہ مذکورہ فیچر کے تحت گروپ ایڈمنز ایک ہی چیٹ باکس کے اندر اپنے تمام گروپ کو شامل کرکے بیک وقت ایک ہی میسیج تمام گروپس میں بھیج سکیں گے۔
اسی طرح عام صارفین بھی کمیونٹیز میں ایک جیسے تمام گروپس میں ایک ساتھ شامل کر سکیں گے اور صارفین ایک ہی چیٹ میں ہر طرح کے گروپ کے میسیج دیکھ سکیں گے۔
اسی طرح عام صارفین بھی کمیونٹیز میں ایک جیسے تمام گروپس میں ایک ساتھ شامل کر سکیں گے اور صارفین ایک ہی چیٹ میں ہر طرح کے گروپ کے میسیج دیکھ سکیں گے۔