پاکستان شوبز انڈسٹری کے مایاناز اداکار فواد خان کی یاد میں بھارتی اداکارہ سریشتی ڈکشٹ نڈھال ہو گئیں اور انہیں بھارت بلا لیا۔
حال ہی میں بھارتی سوشل میڈیا انفلوئنسر و اداکارہ سریشتی ڈکشٹ نے فوٹو اینڈ ویڈیو شیئرنگ پلیٹ فارم انسٹا گرام پر اسٹوری شیئر کی ہے۔
بھارتی اداکارہ نے اپنی انسٹا اسٹوری میں ایک وائرل ویڈیو کلپ ری شیئر کیا جس میں اداکار فواد خان کو مختلف گانو پر ڈانس کرتے ہوئے دیکھا جا سکتا ہے۔
سریشتی ڈکشٹ نے مذکورہ ویڈیو کلپ ری شیئر کر کے کیپشن میں لکھا ہے کہ ’لوٹ آؤ فواد‘ اس کے ساتھ ہی انہوں نے غم کے آنسو بہاتے ہوئے ایموجی کا اضافہ کیا ہے۔
خیال رہے کہ عالمی شہرت یافتی پاکستانی ادکار فواد خان نے تین بھارتی فلموں ’خوبصورت‘، ’کپور اینڈ سنز‘ اور ’اے دل ہے مشکل‘ میں کام کیا ہے۔
دوسری جانب سوشل میڈیا انفلوئنسر سریشتی ڈکشٹ نے ویب سیریز ’اسٹاف روم‘ سے اپنے ایکٹنگ کیریئر کا آغاز کیا ہے، اب حال ہی میں فلم ’دی گریٹ انڈین فیملی‘ سے ہندی سنیما میں ڈیبیو کیا ہے۔
خیال رہے کہ بھارتی اداکارہ کی یہ انسٹا اسٹوری اس وقت سامنے آئی ہے جب حال ہی میں بھارتی عدالت نے بھارت میں پاکستانی فنکاروں کے کام کرنے پر پابندی لگانے کی درخواست مسترد کر کے پاکستانی فنکاروں کو گرین سگنل دے دیا ہے۔