امریکی اداکارہ شیلی ڈوول 75 سال کی عمر میں انتقال کر گئیں۔
غیرملکی میڈیا کے مطابق اداکارہ ذیابیطس کی وجہ سے کچھ وقت سے بیمار تھیں، ان کی موت ٹیکساس میں ان کے گھر پر ہوئی۔
انہوں نے ماضی میں کانز فلم فیسٹیول میں بہترین اداکارہ کا ایوارڈ جیتا تھا جبکہ انہیں بافٹا ایوارڈ کے لیے بھی نامزد کیا گیا تھا۔
غیرملکی میڈیا کے مطابق شیلی ڈوول نے اپنے کیریئر کا آغاز 1970ء میں کیا تھا، انہوں نے متعدد فلموں اور ڈراموں میں کام کیا۔