کراچی: اداکارہ مریم نفیس کا کہنا ہے کہ سوشل میڈیا پر منفی تبصرے ذہنی تناؤ کا سبب بنتے ہیں۔
اداکارہ مریم نفیس کا ایک انٹرویو میں کہنا تھا کہ سوشل میڈیا پر ایک فوٹو شوٹ وائرل ہونے کے بعد سامنے آنے والے منفی تبصروں نے ذہنی دباؤ کا شکار کردیا تھا۔
اداکارہ نے کہا کہ اپنی بیٹی کی پیدائش سے قبل اپنے فینز اور چاہنے والوں کو ایک فوٹو شوٹ کے ذریعے حاملہ ہونے کی اطلاع دی تھی تاہم اس پر آنے والا ردعمل حیران کن اور پریشان کردینے والا تھا۔
مریم نفیس نے کہا کہ پریگنیسی کی تصاویر پر سوشل میڈیا پر لوگوں نے اتنے منفی تبصرے کیے کہ ذہنی طورپر پریشان ہو کر سوشل میڈیا اکاؤنٹ بند کرنا پڑا۔
مریم نفیس نے مزید کہا کہ پریگنینسی ایک نارمل چیز ہے اسے کسی ٹیبو کے طور پر نہیں لیا جانا چاہیے۔ منفی تبصروں کے ساتھ کچھ ایسے لوگ بھی تھی جنہوں نے میرے لیے خوشی اور نیک خواہشات کا اظہار کیا۔
مریم نفیس اداکار علی انصاری کی بہن اور اداکارہ صبور علی کی نند ہیں۔ مریم نفیس اور علی انصاری ایک بچی کے والدین ہیں۔