بھارتی کرکٹ ٹیم کے سابق کپتان سچن ٹنڈولکر کی بیٹی سارہ ٹنڈولکر بالی ووڈ انڈسٹری میں ڈیبیو دینے کے لیے تیار ہیں۔
بھارتی میڈیارپورٹ کے مطابق، لیجنڈری بھارتی کرکٹر کو اداکاری میں کافی دلچسپی ہےاورحال ہی میں اداکاری سیکھنے کے لیے اُنہوں نے باقاعدہ ایک انسٹیٹیوٹ میں داخلہ لیا ہے۔
سارہ ٹنڈولکرانسٹیٹیوٹ میں اداکاری سیکھنے کے لیے داخلہ لینے کی خبر سامنے آنے کے بعد سے بھارتی میڈیا کی خبروں میں یہ دعویٰ کیا جارہا ہے کہ سارہ بہت جلد ہی بڑی اسکرین پر اپنی اداکاری کے جلوے دکھاتی نظر آئیں گی۔
رپورٹس کے مطابق، سارہ کے والدین سچن ٹنڈولکر اور انجلی ٹنڈولکر کوبیٹی کے کیریئر کے انتخاب پر کوئی اعتراض نہیں ہے۔
تاہم، مداحوں کےلیے سچن ٹنڈولکر کی بیٹی کو بڑی اسکرین پر اداکاری کرتے دکھنا حیرت انگیز ہوگا کیونکہ سارا ٹنڈولکر نے لندن یونیورسٹی سے میڈیسن میں گریجویشن کی ڈگری حاصل کی ہے۔
اس کے علاوہ لوگ سارا ٹنڈولکر کو بطور سوشل میڈیاانفلوئنسر بھی جانتے ہیں۔
سارا ٹنڈولکر سوشل میڈیا پر کافی متحرک نظر آتی ہیں اور اکثر اپنے دوستوں کے ہمراہ اپنی خوبصورت تصاویر اور ویڈیوز شیئر کرتی رہتی ہیں۔