بالی وڈ کنگ شاہ رخ خان کے بڑے بیٹے آریان خان جلد ہی شوبز میں بطور رائٹر و فلم ساز انٹری دیں گے۔
گزشتہ برس منشیات کیس میں گرفتاری کے بعد آریان مسلسل خبروں میں رہے تاہم اب ان کے حوالے سے اطلاعات موصول ہورہی ہیں کہ وہ جلد ایک ویب سیریز اور کچھ فیچر فلمیں بنارہے ہیں۔
یہ بھی پڑھیں
بالی ووڈ کنگ شاہ رخ پہلی بار راج کمار ہیرانی کی فلم میں اپنی اداکاری کے جوہر دکھائیں گے
رپورٹس کے مطابق آریان ’ایمازون پرائم‘ کی ویب سیریز جب کہ والد شاہ رخ کی فلم پروڈکشن کمپنی ’ریڈ چلی‘ پر کام کررہے ہیں۔ آریان کی ویب سیریز زندگی میں مشکل اور کٹھن حالات کا مقابلہ کرنے والے کرداروں پر مبنی ہوگی۔
واضح رہے کہ اس سے قبل اپنے کئی انٹرویوز میں ناصرف آریان بلکہ شاہ رخ بھی بتا چکے ہیں کہ ان کے بیٹے کو اداکاری کا شوق نہیں البتہ اس کی دلچسپی فلم ساز بننے میں ہے۔
ذ رائع کے مطآ بق کہا جارہا ہے کہ آریان خان کی ویب سیریز یا فلموں میں بہن سہانا بھی نظر آئیں گی۔
بالی ووڈ کے کنگ شاہ رخ خان کی صاحبزادی سہانا خان نے نیٹ فلکس کی فلم کے ذریعے گلیمر کی دنیا میں قدم رکھنے کا فیصلہ کیا ہے۔
ایک طرف آرین رائٹر کے طور پر تو دوسری طرف شاہ رخ کی بیٹی سہانا خان ایکٹنگ کی طرف قدم بڑھا رہی ہیں، اداکار کی بیٹی سہانا جلد ہی زویا اختر کی ویب سیریز سے ڈیبیو کریں گی۔
انڈیا ٹوڈے کے مطابق سہانا خان نیٹ فلکس کی فلم ” دی آرکائیوز” کے ذریعے اداکاری کے میدان میں قدم رکھیں گی۔ اس فلم کی ہدایات زویا اختر دیں گی۔ ذرائع کا کہنا ہے کہ اس فلم میں سہانا خان مغربی اور مشرقی دونوں طرح کی لڑکی کے کردار میں نظر آئیں گی۔
خیال رہے کہ گزشتہ سال نومبر میں نیٹ فلکس نے اعلان کیا تھا کہ زویا اختر ان کی نئی فلم “دی آرکائیوز” کی ڈائریکٹر ہوں گی، یہ ایک میوزیکل ڈرامہ فلم ہوگی جس میں سہانا خان مرکزی کردار میں نظر آئیں گی۔