معروف ماڈل اور اداکارہ 32 سالہ سعیدہ امتیاز کی کمرے سے لاش بر آمد ہوئی ہے۔
اس افسوسناک خبر کو اداکارہ سعیدہ امتیاز کے تصدیق شدہ انسٹاگرام اکاؤنٹ پر شیئر کیا گیا۔ ان کے مداح اور ساتھی اداکاراؤں نے سوشل میڈیا پر تعزیت کا اظہار کرتے ہوئے کہ اداکارہ کی اچانک موت کا سن کر یقین نہیں آیا۔
سعیدہ امتیاز کے شوبز انڈسٹری سے تعلق رکھنے والے ساتھی فنکاروں نے دکھ کا اظہار کیا۔ سعیدہ امتیاز فلم ’قلفی‘، ’ریڈرم‘، ’تھوڑی سیٹنگ تھوڑا پیار‘، ’وجود‘، اور فلم ’کپتان‘ میں کام کر چکی ہیں۔
یاد رہے کہ عمران خان پر بننے والی فلم ’کپتان‘ میں سعیدہ امتیاز نے جمائما کا کردار ادا کیا تھا۔