فلموں اور ٹیلی ویژن کے نامور اداکار شکیل کی تدفین ڈیفنس فیز 8 کے قبرستان میں کردی گئی۔
اداکار شکیل کی نمازِ جنازہ بعد نماز جمعہ سلطان مسجد ڈیفینس کراچی میں ادا کی گئی، مرحوم کی تدفین ڈیفنس فیز 8 کے قبرستان میں کی گئی ہے۔
یاد رہے کہ گزشتہ روز نامور اداکار شکیل 85 برس کی عمر میں کراچی میں انتقال کر گئے تھے۔
اِن کے انتقال کی تصدیق اداکارہ بشریٰ انصاری نے کی تصدیق تھی۔
معروف اداکار کا اصل نام یوسف کمال تھا، مگر بعد میں انہیں شکیل کا فلمی نام دیا گیا۔
کئی سال قبل اداکار شکیل کا بائی پاس آپریشن بھی ہوا تھا جبکہ وہ پچھلے کئی برسوں سے جوڑوں کی بیماری آرتھرائٹس کا شکار تھے۔
خاندانی ذرائع کا کہنا ہے کہ شکیل گزشتہ چند روز سے نجی اسپتال میں زیرِ علاج تھے۔