پاکستانی اداکارہ منشا پاشا نے بہنوں کے ساتھ مل کر اپنے والد ڈاکٹر طارق پاشا میمن کی یاد میں مسجد تعمیر کروائی ہے۔
انسٹاگرام پر مسجد کی تصویر شیئر کرتے ہوئے اداکارہ نے مداحوں کو اس خوبصورت عمل کی اطلاع دی اور ایک پوسٹ شیئر کی۔
شیئر کی گئی تصویر میں ’ مسجد طارق‘ کے نام سے تعمیر کروائی گئی خوبصورت مسجد کو دیکھا جاسکتا ہے، ایک تصویر مسجد میں محمد طارق پاشا کی یاد میں لگائی گئی تختی کی ہے جس میں منشا پاشا اور ان کی بہنوں کے نام درج ہیں۔
اداکارہ نے اپنی پوسٹ میں لکھا
"اور جو اللہ سے ڈرے گا اللہ اس کے لیے نکلنے کا راستہ بنا دے گا، اور اسے وہاں سے رزق دے گا جہاں سے اسے گمان بھی نہیں، اور جو اللہ پر بھروسہ کرے گا تو وہ اس کے لیے کافی ہے۔”
رمضان کے مقدس مہینے میں ہم اپنے والد کی محبت بھری یاد میں کراچی سے تقریباً 4 گھنٹے کے فاصلے پر ایک قریبی گاؤں میں ایک مسجد مکمل کرنے میں کامیاب ہوئے۔
ہم بطور خاندان خاص طور پر ان تمام کارکنوں کے مشکور ہیں جنہوں نے اس کام کا بیڑا اٹھایا اور اس مبارک مہینے میں اسے مکمل کرنے میں کامیاب ہوئے۔
آپ کے تعاون، دعاؤں اور مہربان الفاظ کے لیے آپ سب کا شکریہ۔ ہم ہمیشہ اللہ کے شکر گزار ہیں کہ اس نے ہمیں اس کام کو انجام دینے کا موقع اور اسباب عطا کیا۔
برائے مہربانی میرے والد کے لیے دعا کرنے کے لیے ایک لمحہ نکالیں۔ انہیں جنت الفردوس میں اعلیٰ مقام عطا فرمائے۔
سے