بھارتی فلم انڈسٹری کے معروف اور متنازع ہدایتکار کرن جوہر نے بالی ووڈ کنگ، شاہ رخ خان کی فلم ’جوان‘ کے ٹریلر کو صدی کا بہترین ٹریلر قرار دے دیا ہے۔
اپنے منہ میاں مٹھو بنے رہنے والے ہدایتکار کرن جوہر بھی شاہ رخ خان کی نئی آنے والی فلم کی تعریف کیے بنا نہ رہ سکے، کرن جوہر کو فلم کا ٹریلر اس قدر بھایا ہے کہ اُنہوں نے ’جوان‘ کے ٹریلر کو ’ٹریلر آف دی سنچری‘ قرار دے دیا ہے۔
کرن جوہر نے اس سے متعلق ایک انسٹاگرام اسٹوری شیئر کی ہے جس میں انہوں نے اپنی پسند کا اظہار کیا ہے۔
کرن جوہر کی اس اسٹوری پر شاہ رخ خان کے مداح بھی حیران ہیں کہ کیا واقعی کرن جوہر، شاہ رخ خان کی فلم ’جوان‘ کی بات کر رہے ہیں۔
کرن جوہر کی اس اسٹوری کا ایس آر کے ایکس پر موجود فین کلب نے بھی جواب دیا ہے۔
کرن کے انسٹاگرام اسٹوری کا اسکرین شاٹ ایکس اکاؤنٹ پر شیئر کرتے ہوئے شاہ رخ خان کے فینز کا لکھنا ہے کہ ’ٹریلر آف دی سنچری سے لے کر مووی آف دی سنچری تک۔‘
یاد رہے کہ شاہ رخ خان کی فلم ’جوان‘ آئندہ ماہ 7 ستمبر کو سینما گھروں میں ریلیز ہوگی، یہ فلم ہندی، تامل اور تیلگو میں سینما گھروں میں بھی بیک وقت ریلیز ہوگی۔