عالمی شہرت یافتہ پاکستانی میوزک شو کوک اسٹوڈیو کے سیزن 14 کے گانے ’پسوڑی‘ سے شہرت حاصل کرنے والی گلوکارہ شئے گِل کا نیا گانا ’میرا سویرا‘ ریلیز ہوگیا۔
گلوکارہ شئے گل کی سُریلی آواز میں کوک اسٹوڈیو گلوبل کی جانب سے ریلیز کیےگئے اس نئے گانے کو سوشل میڈیا پر بہت پسند کیا جارہا ہے۔
یہ شئے گل کا پہلا سولو ٹریک ہے جس کی شاعری اور دھن تنہائی اور مایوسی کے احساسات سے انسان کی لڑائی کے بارے میں ہے۔
کوک اسٹوڈیو گلوبل میں یہ گلوکارہ کا دوسرا گانا ہے اور اسے عمیر طاہر نے پروڈیوس کیا ہے۔
اس سے قبل شئے گل نے ترک گلوکار ایودیکی سات کے ساتھ مل کر کوک اسٹوڈیو گلوبل کے لیے پہلا گانا ’ون لو‘ گایا تھا۔