پاکستانی فیشن انڈسٹری کی نامور ماڈل اقراء فیض نے معروف اداکارہ ہانیہ عامر سے متعلق کہا ہے کہ اس میں کوئی شک نہیں کہ ہانیہ عامر انڈسٹری کا معروف چہرہ ہیں۔
اقراء فیض نے حال ہی میں نجی ٹی وی کے ٹاک شو میں شرکت کے دوران اداکارہ ہانیہ عامر سے متعلق اپنی رائے کا اظہار کیا ہے۔
ماڈل اقراء فیض نے شوبز انڈسٹری میں ہانیہ عامر سے متعلق پوچھے گئے ایک سوال کے جواب میں کہا ہے کہ ہانیہ عامر کو ضرورت سے زیادہ توجہ حاصل ہے۔
اقراء فیض کا ہانیہ عامر سے متعلق بات کرتے ہوئے کہنا تھا کہ میں ہانیہ عامر کے خلاف تو نہیں ہوں مگر سمجھتی ہوں کہ ہانیہ عامر انڈسٹری کی سب سے اوور ریٹڈ (ضرورت سے زیادہ سراہے جانے والی) اداکارہ ہیں۔
دوسری جانب اقراء فیض کا اداکارہ یمنیٰ زیدی سے متعلق بات کرتے ہوئے کہنا تھا کہ یمنیٰ زیدی کو شہرت حاصل ہے کیونکہ وہ ایک بہترین اداکارہ ہیں تاہم بطور ڈرامہ ویور اُنہیں لگتا ہے کہ ہانیہ عامر کی اداکاری اتنی بہتر نہیں جتنی اُنہیں شہرت حاصل ہے۔