پاک فوج کے شعبہ تعلقات عامہ (آئی ایس پی آر) نے ہر سال کی طرح اس سال بھی نئی نسل میں جذبہ حب الوطنی بڑھانے کے لیے نیا نغمہ ’شاد رہے پاکستان‘ ریلیز کردیا۔
پاک فوج کے شعبہ تعلقات عامہ کی جانب سے نہ صرف یوم پاکستان بلکہ یوم آزادی اور یوم دفاع سمیت اہم قومی دنوں پر نغمے جاری کیے جاتے ہیں۔
’شاد رہے پاکستان‘ کی شاعری شجاع حیدر نے لکھی ہے اور اسے انہوں نے یشال شاہد کے ساتھ مل کر گایا ہے۔
ملی نغمے میں جہاں نئی نسل کو اپنے وطن سے محبت کرتے دکھایا گیا ہے، وہیں اس میں وطن کے خوبصورت نظاروں کو بھی دکھایا گیا ہے۔
شاد رہے پاکستان‘ کی ویڈیو کی ہدایات یاسر جسوال نے دی ہیں اور اسے 17 مارچ کو یوٹیوب، فیس بک، انسٹاگرام اور ٹوئٹر سمیت دیگر چینلز پر بھی جاری کیا گیا۔