امریکی ریاست فلوریڈا میں سڑک پر ہنگامی لینڈنگ کی کوشش کے دوران ایک چھوٹا طیارہ گر کر تباہ ہوگیا، حادثے میں پائلٹ معمولی زخمی ہو گیا۔
طیارہ گر کر تباہ ہونے کا یہ واقعہ امریکی ریاست فلوریڈا کے شہر اورلینڈو میں پیش آیا، اس حادثے کی اسی شاہراہ پر جانے والے ایک کار سوار کی موبائل فون سے بنائی گئی ویڈیو سوشل میڈیا پر وائرل ہو رہی ہے۔
ویڈیو میں دیکھا جاسکتا ہے کہ ایک چھوٹا طیارہ کار ڈرائیور کے سامنے انتہائی نچلی پرواز کرتے ہوئے سڑک پر لینڈنگ کی کوشش کرتا ہے تاہم اس دوران طیارے کا اگلا حصہ زمین سے ٹکراتا ہے اور طیارہ تباہ ہو جاتا ہے۔
اس ویڈیو کے بعد سامنے آنے والی صورت حال کے مطابق طیارے میں آگ نہیں لگی اور اس میں سوار پائلٹ بھی محفوظ رہا۔
ایوی ایشن کی رپورٹ کے مطابق حادثے میں تباہ ہونے والا طیارہ اورلینڈو پر مینٹیننس فلائٹ پر تھا۔