نیو یارک کی عدالت نے ٹرمپ انتظامیہ کے وائس آف امریکا کو بند کرنے کے فیصلے کو عارضی طور پر معطل کر دیا، 1200 ملازمین کی نوکریاں بحال
نیو یارک کی عدالت نے ٹرمپ انتظامیہ کی جانب سے وائس آف امریکا کی بندش کے فیصلے کو عارضی طور پر معطل کر دیا ہے۔ اس فیصلے کے نتیجے میں وائس آف امریکا کے 1200 سے زائد صحافیوں اور ملازمین کی نوکریاں بحال ہو گئی ہیں۔
امریکی اخبار کے مطابق، جج نے حکومت کو وائس آف امریکا کو تحلیل کرنے یا اس کے عملے کو برطرف کرنے سے روک دیا ہے، تاہم جج نے وائس آف امریکا کی مکمل بحالی کے حوالے سے کوئی واضح ہدایات جاری نہیں کیں۔
ٹرمپ انتظامیہ نے ایگزیکٹو آرڈر کے ذریعے 7 وفاقی اداروں کو ختم کرنے کا حکم دیا تھا، جن میں وائس آف امریکا بھی شامل تھا۔
عدالتی فیصلے میں ٹرمپ انتظامیہ کے اس اقدام کو غیر معقول قرار دیتے ہوئے اس پر روک لگا دی ہے۔