برسلز: یلجیئم میں کورونا پابندیوں کےخلاف لوگ سڑکوں پر نکل آئے۔خبر اجنسی کے مطابق یورپی ملک بیلجیئم کے دارالحکومت برسلز میں اتوار کے روز تقریباً 50 ہزار مظاہرین اپنے گھروں سے نکلے اور ہنگامہ آرائی کی۔ ہنگامے کے دوران مشتعل افراد نے متعددعمارتوں کے شیشے توڑے جس کے بعد موقع پر موجود پولیس نے مظاہرین پرآنسوگیس کی شیلنگ کی، اس کے علاوہ پولیس کی جانب سے پانی کی توپوں کااستعمال بھی کیا گیا۔
مظاہرین نے ہاتھوں میں بیلجیئم کے وزیر اعظم الیگزینڈر ڈی کرو اور متعدد مقامات پر داخلے کے لیے ضروریکورونا وائرس کے حفاظتی پاس کے خلاف نعروں والے بینرز اٹھا رکھے تھے۔واضح رہے کہ یورپ اور امریکا میں کووڈ کی نئی لہر اومی کرون کی بدترین صورتحال ہے، دن بدن مثبت کیسز کی شرح میں کمی کے بجائے اضافہ ہو رہا ہے۔