میکسیکو : مغربی حصے میں مسافر وین کھائی میں گر گئی تھی، حادثے میں ہلاک ہونے والوں کی تعداد 13 ہوگئی ہے۔غیرملکی میڈیا کے مطابق حادثہ وسطی میکسیکو کی ریاست جیلسکو کے علاقے میں پیش آیا تھا، حادثے میں 10 مسافر زخمی بھی ہوئے ہیں۔میڈیا رپورٹس کے مطابق 12 افراد موقع پر ہی ہلاک ہوگئے تھے جبکہ ایک مسافر دوران علاج اسپتال میں اپنی جان کی بازی ہار گیا۔
جیلسکو کی ایمرجنسی سروسز ایجنسی کے مطابق ہلاک ہونے والوں میں سے سات ابتدائی طور پر کار کے اندر پھنس گئے تھے۔مقامی انتظامیہ کا کہنا ہے کہ حادثہ تیز رفتاری کے باعث پیش آیا، ہلاک ہونے والوں میں 2 بچے بھی شامل ہیں، وین میں سوار تمام افراد سیاح تھے۔