اسلام آباد : پاکستان سپر لیگ کی ٹیم اسلام آباد یونائیٹڈ میں شامل انگلش بیٹر ایلکس ہیلز نے پاکستان میں نیا دوست ڈھونڈ لیا ہے۔پاکستان سپر لیگ کے دوسرے مرحلے کا لاہور میں آغاز ہو گیا ہے اور گزشتہ روز کھیلے گئے پہلے میچ میں ملتان سلطانز نے پشاور زلمی کو 42 رنز سے شکست دیکر ٹورنامنٹ میں چھٹی کامیابی سمیٹی تھی۔
اسلام آباد یونائیٹڈ کی ٹیم کل بروز ہفتہ لاہور میں اپنا پہلا میچ کوئٹہ گلیڈی ایٹرز کے خلاف کھیلے گی اور اس سلسلے میں دونوں ٹیموں کے کھلاڑی بھرپور تیاری کر رہے ہیں۔
میچ کی تیاری کے ساتھ ساتھ کھلاڑی دیگر سرگرمیوں سے بھی لطف اندوز ہو رہے ہیں اور ایسی ہی ایک دلچسپ ویڈیو اسلام آباد یونائیٹڈ کی جانب سے سوشل میڈیا پیچ پر شیئر کی گئی ہے۔
سوشل میڈیا پر شیئر کی گئی ویڈیو میں یونائیٹڈ کے بیٹر ایلکس ہیلز کو گرانڈ میں پریکٹس سیشن کے دوران ایک بلی سے کھیلتے ہوئے دیکھا جا سکتا ہے، ہیلز بلی کے سر پر ہاتھ پھیر رہے ہیں اور بلی بھی مزے سے ان کے سامنے بیٹھی ہوئی ہے۔اسلام آباد یونائیٹڈ کی جانب سے ویڈیو کے ساتھ ایک کپشن بھی تحریر کیا گیا ہے کہ ‘ایلکس ہیلز نے ایک نیا دوست بنا لیا ہے’۔