سپورٹس بورڈ پنجاب نے حالیہ کامن ویلتھ گیمز میں میڈلز جیتنے والوں کو انعامات سے نوازنے کے لیے تقریب کے انعقاد کا اعلان کیا ہے۔
قومی ہیروز کی خدمات کا اعتراف کرنے کے لیے اسپورٹس بورڈ پنجاب نے بڑا فیصلہ کرتے ہوئے آئندہ ہفتے تقریب کا اہتمام کیا ہے۔
تقریب میں ایتھلیٹکس ہیرو ارشد ندیم کو خصوصی انعامات دیے جائیں گے جبکہ نوح دستگیر بٹ، طاہر شریف، انعام بٹ زمان انور کو بھی میڈلز جیتنے پر انعامات دیے جائیں گے۔
لاہور اسپورٹس بورڈ کی جانب سے ماضی کے اسپورٹس ہیروز کی خدمات کا بھی اعتراف کیا جائے گا۔
تقریب میں نوجوان ایتھلیٹس اور کھلاڑیوں کے لیے بھی خصوصی اعلانات کیے جائیں گے، اس سلسلے میں اسپورٹس بورڈ پنجاب نے تقریب کی تیاریوں کا آغاز کر دیا ہے۔