فیفا ورلڈ کپ 2022ء کے سب سے بہترین گول کا اعلان
قطر میں ہونے والےفیفا ورلڈ کپ 2022ء کے سب سے بہترین گول کا اعلان کر دیا گیا ہے۔
فیفا کی جانب سے گول آف دی ٹورنامنٹ کے لیے ووٹنگ میں 10 گول شامل تھے لیکن فٹبال کے شائقین نے سب سے زیادہ برازیل کے ریچرلیسن کے گول کو پسند کیا۔
اس ورلڈ کپ میں برازیل نے سربیا کے خلاف اپنا پہلا میچ کھیلا، جس میں رچرلیسن نے پہلا گول 62 جبکہ دوسرا گول 73 ویں منٹ میں داغ کر ٹیم کو فتح سے ہم کنار کروایا تھا۔
رچرلیسن کی جانب سے 73 ویں منٹ میں ونیش جونیئر کے پاس پر ریچرلیسن نے بائی سائیکل کک مار کر گیند کو جال میں پہنچایا، جسے اب ’گول آف دی ٹورنامنٹ‘ قرار دیا گیا ہے۔
اس ٹورنامنٹ کی سب سے فیورٹ ٹیم برازیل ورلڈکپ تو نہ جیت سکی لیکن اس گول کا سحر ٹورنامنٹ کے ختم ہونے کے بعد بھی شائقینِ فٹبال پر طاری رہا۔
واضح رہے کہ فیفا نے ’گول آف دی ٹورنامنٹ‘ کا سلسلہ 2006ء کے ورلڈ کپ کے دوران شروع کیا تھا۔