ملتان سلطانز نے پشاور زلمی کو 56 رنز سے شکست دے دی
ملتان : پاکستان سپر لیگ (پی ایس ایل) کے پانچویں میچ میں ملتان سلطانز نے پشاور زلمی کو جیت کیلئے 211 رنز کا ہدف دیاہے۔
ملتان سلطانز نے مقررہ اوورز میں 3 وکٹ کے نقصان پر 210 رنز بنائے۔ جنوبی افریقی بیٹر رائیلی روسو نے 75 رنز کی اننگز کھیلی، کپتان محمد رضوان نے 66 رنز بنائے۔
پشاور کے سلمان ارشاد نے 2 کھلاڑیوں کو آؤٹ کیا۔
پشاور زلمی نے ملتان سلطانز کےخلاف ٹاس جیت کر پہلے بولنگ کا فیصلہ کیا تھا۔
ملتان میں ٹاس جیتنے کے بعد گفتگو کرتے ہوئے کپتان بابر اعظم نے کہا کہ ہمارے پاس بولرز اچھے ہیں، پچ میں بولرز کو مدد ملے گی۔
ملتان سلطانز کے کپتان محمد رضوان نے کہا کہ نئی پچ ہے اس کا اندازہ نہیں لگاسکتے۔
خیال رہے کہ ایچ بی ایل پی ایس ایل میں ملتان سلطانز دو میچز کھیل چکی ہے جن میں سے اسے ایک میں فتح اور ایک میں شکست ہوئی ہے جبکہ پشاور زلمی نے ایک میچ کھیلا ہے اور اس میں کامیابی حاصل کی ہے۔