آئی سی سی مینز ٹی ٹوئنٹی ورلڈ کپ کے پہلے مرحلے میں نمیبیا نے آئرلینڈ کو 8 وکٹوں سے شکست دے کر سپر 12 مرحلے کیلئے کوالیفائی کرلیا۔
جمعے کے روز کھیلے گئے پہلے میچ میں آئر لینڈ نے ٹاس جیت کر بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 125 رنز بنائے ۔
آئر لینڈ کی جانب سے پول اسڑیلنگ 38 اور کیون اوبرائن 25 رنز بنا کر نمایاں رہے ۔
نمیبیا نے 126 رنز کا ہدف با آسانی 19ویں اوور میں 2 وکٹوں کے نقصان پر پورا کرلیا اور یوں وہ سپر 12 مرحلے میں شامل ہوگیا۔
نمیبیا کی جانب سے کپتان اراسمس نے شاندار بیٹنگ کرتے ہوئے ناقابل شکست 53 رنز کی اننگز کھیلی جبکہ اس کے علاوہ ڈیوڈ ویزے 28 رنز بنا کر اپنی ٹیم کی کامیابی میں مدد کی۔
نمیبیا سپر 12 مرحلے میں ممکنہ طور پر گروپ 2 میں شامل ہوگا البتہ اس کا باضابطہ فیصلہ آج کھیلے جارہے سری لنکا اور نمیبیا کے درمیان دوسرے میچ کے بعد ہوجائے گا۔
واضح رہے کہ آئی سی سی ٹوئنٹی ورلڈ کپ کا ساتواں ایڈیشن متحدہ عرب امارات اور عمان میں جاری ہے۔