لاہور ٹیسٹ کے تیسرے روز پاکستان کی پہلی اننگز میں بیٹنگ جاری ہے، شاہین بلے بازوں عبداللہ شفیق اور اظہر علی نے نصف سنچریاں بنا لیں۔
پی سی بی کے مطابق 23 مارچ کی مناسبت سے ٹیسٹ میچ کے تیسرے روز کا آغاز پاکستان کے قومی ترانے سے ہوا جبکہ دونوں ٹیمیں قومی ترانے کے اعزاز میں گراؤنڈ میں کھڑی ہوئیں۔
پاکستان نے آخری ٹیسٹ کے تیسرے روز ایک وکٹ کے نقصان پر 90 رنز سے اننگز کا آغاز کیا، عبداللہ شفیق اور اظہر علی 56 اوورز کے اختتام پر 137 رنز کے ساتھ کریز پر موجود ہیں۔
گذشتہ روز شاہینوں نے پہلی اننگز کا آغاز کیا تو اوپنر امام الحق صرف 11 رنز بنا کر آوٹ ہو گئے، اس سے قبل آسٹریلیا کی ساری ٹیم پہلی اننگز میں 391 رنز بنا پویلین لوٹ گئی تھی۔ کینگروز نے 232 رنز اور 5 وکٹوں کے نقصان سے دوسرے روز کے کھیل کا آغاز کیا تھا، کیمرون گرین اور ایلکس کیرے نے طویل شراکت داری میں باالترتیب 79 اور 67 انفرادی رنز کا اضافہ کیا۔ ان کے بعد کوئی آسٹریلوی بلے باز جم کر نہ کھیل سکا۔ مچل سٹارک 13، ناتھن لیون 4، مچل سویپسن 9 رنز بنا کر پویلین لوٹ گئے۔ پاکستان کی جانب سے شاہین شاہ آفریدی اور نسیم شاہ نے 4،4 جبکہ نعمان علی، ساجد خان نے 1،1 وکٹ اپنے نام کی۔
آسٹریلیا کی کراچی میں کھیلنے والی ٹیم ہی لاہور ٹیسٹ کے لیے برقرار ہے البتہ پاکستان کے سکواڈ میں بابراعظم، محمدرضوان، شاہین آفریدی کے علاوہ عبداللہ شفیق، فوادعالم، اظہرعلی، نعمان علی اور ساجد خان ٹیم کا حصہ ہیں۔ امام الحق اور حسن علی کو بھی ٹیم میں شامل کیا گیا ہے جبکہ فہیم اشرف کی جگہ نسیم شاہ تیسرا ٹیسٹ میچ کھیل رہے ہیں۔
پاکستان کرکٹ بورڈ (پی سی بی ) نے یوم پاکستان کرکٹ فینز کے ہمراہ منانے کا اعلان کردیا ہے۔
ذرائع کے مطابق پی سی بی نے پاکستان اور آسٹریلیا کے درمیان بینو قادر ٹرافی کے تیسرے ٹیسٹ کا تیسرا روز یوم پاکستان کے نام کردیاہے۔
پی سی بی کے مطابق 23 مارچ کی مناسبت سے ٹیسٹ میچ کے تیسرے روز کا آغاز پاکستان کے قومی ترانے سے ہوا جبکہ دونوں ٹیمیں قومی ترانے کے اعزاز میں گراؤنڈ میں کھڑی ہوی