لاہور (مانیٹرنگ ڈیسک) مسلم لیگ (ن) کے قائد اور سابق وزیر اعظم میاں نواز شریف کہتے ہیں کہ اگر سلیکٹرز کو کوئی سلیکٹڈ لے کر آنا ہی تھا توکوئی کام کا اچھا بندہ لاتے۔ اس نے سلیکٹڈ نے تو خود کو اور لانے والوں دونوں کو برباد کر دیا۔وہ بھی سوچ رہے ہوں گے کہ ہماری چوائس کتنی غلط تھی۔ کم ازکم ایسا آدمی تو لاتے جو قلابازیاں نہ کھاتایہ تو پائوں پکڑ رہا ہے اورترلے کر رہا ہے۔
ویڈیو لنک میں سرگودھا ڈویژن کے کارکنان کے اجلاس سے خطاب کرتے ہوئے نوازشریف کا کہناتھا کہ کوئی بھی اگر آپ کو وفاداری اور پارٹی تبدیل کرنے پر دباؤ ڈالے تو آپ کے قدموں میں لرزش نہیں آنی چاہیے ، اگر آپ مضبوط رہے تو کوئی بھی آپ کو شکست نہیں دے گا،حق سچ کا ساتھ دینے والوں کے سامنے باطل قوتوں کو جھکنا پڑے گا۔