انگلینڈ کے سابق شہرہ آفاق فٹبالر اور پاکستان فٹبال لیگ کے خیرسگالی سفیر مائیکل اوین پاکستان آئیں گے۔
اپنے پیغام میں مائیکل اوین نے کہا ہے کہ پروفیشنل فٹبال لیگ کا انعقاد درست جانب ایک قدم ہے، یہ نہیں کہا جاسکتا کہ پاکستان 10 سال میں ورلڈ چیمپئن بن جائے گا لیکن بہت بہتری لائی جاسکتی ہے، 22 کروڑ کی آبادی والے ملک میں اس کھیل کیلیے بہت کچھ کیا جاسکتا ہے، پاکستان آکر یہاں ہونے والی لیگ کے ذریعے فٹبال کو سپورٹ کروں گا۔