دہلی : بالی ووڈ اداکار راج کمار راؤ اور اُن کی گرل فرینڈ پترالیکھا کی شادی کی تقریبات کے لیےچندی گڑھ میں اوبرائے سکھ ولاز سپا ریزورٹ کا انتخاب کیا گیا ہے۔بھارتی میڈیا رپورٹس کے مطابق، راجکمار راؤ اور پترلیکھا کی شادی کی شاندار تقریبات چندی گڑھ کے اوبرائے سکھ ولاس سپا ریزورٹ میں ہوں گی، اس ریزورٹ کی ایک رات کے لیے بکنگ کی قیمت 6 لاکھ بھارتی روپے ہے۔
اس شاندار ریزورٹ کی ویب سائٹ کے مطابق، شادی کا یہ مقام ہمالیہ کے دامن میں واقع ہے اور سیسوان فاریسٹ رینج میں 8,000 ایکڑ زمین پر پھیلا ہوا ہے۔ اس ریزورٹ کے ارد گرد واقع جنگل میں دیگر سہولیات جیسےکہ صحت، پولز، موسمی کھانے، اور دیگر تفریحی سرگرمیاں بھی فراہم کی جاتی ہیں۔
راج کمار راؤ کی شادی کی تاریخ اور مقام سامنے آگیا۔ ناصرف یہ بلکہ شاندار شادی کا یہ مقام مختلف قیمتوں میں چار الگ الگ قسم کے کمروں کی سہولیات فراہم کرتا ہےاور کوہ نور، سب سے زیادہ شاہانہ ہےجس کی ایک رات کی بکنگ کی قیمت تقریباً 6 لاکھ بھارتی روپے ہے۔ گزشتہ رات اس جوڑے کی منگنی کی شاندار تقریب ہوئی ہے، جس کی تصاویر سوشل میڈیا پر وائرل ہورہی ہیں۔واضح رہے کہ راج کمار راؤ کے قریبی ذرائع نے بتایا کہ ’اداکار کی شادی کے دعوت نامے تقسیم کیے جا رہے ہیں اور تیاریاں زور و شور سے جاری ہیں جبکہ شادی میں صرف ان کے قریبی اور عزیز ہی شریک ہوں گے۔‘