ممبئی : بالی ووڈ کے اداکار و پروڈیوسر رمیش بابو 56 سال کی عمر میں طویل علالت کے بعد چل بسے۔بھارتی میڈیا رپورٹس کے مطابق رمیش بابو کافی عرصے سے جگر کے عارضے میں مبتلا تھے تاہم 8 جنوری کو طبیعت زیادہ بگڑنے پر انہیں مقامی اسپتال منتقل کیا گیا لیکن وہاں انہوں نے اپنی زندگی کی آخری سانس لی۔
رمیش بابو نے بطور اداکار 15 سے زیادہ تیلگو فلموں میں کام کیا جس میں بازار راؤڈی، اور دیگر شامل ہیں۔رمیش بابو 1997 میں اداکاری کی دنیا کو خیرباد کہہ کر پروڈیوسر بن گئے تھے۔
واضح رہے کہ رمیش بابو سینیئر تیلگو اداکار کرشنا کے صاحبزادے اور سپر اسٹار مہیش بابو کے بڑے بھائی تھے۔خیال رہے کہ مہیش بابو بھی جمعرات سے کورونا کا شکار ہیں جس کےبعد انہوں نے خود کو گھر میں قرنطینہ کیا ہوا ہے۔