برطانوی فلمسازو پروڈیوسراوروزیراعظم عمران خان کی سابقہ اہلیہ جمائما خان اسکیٹنگ کے دوران زخمی ہوگئیں۔
سوشل میڈیا پراپنے فالوورز کومختلف قسم کی سرگرمیوں سے باخبررکھنے والی جمائما نے انسٹااسٹوریزمیں اپنی تصویرشیئرکی جس میں ان کی ناک کی ہڈی سے لے کردائیں آنکھ تک چوٹ اور خاصا گہرا نیل دیکھاجاسکتا ہے۔
افسردہ دکھنے والی جمائما نے اس حوالے سے کوئی تفصیلات نہیں بتائیں کہ ان کے ساتھ یہ حادثہ کیسے پیش آیا تاہم تصویرکے ساتھ بنائے جانے والے ایموجیز سے
یہ اندازہ لگایا جاسکتا ہے۔
جمائما نے زخمی ایموجیز کے ساتھ اسکینگ والےایموجی سے واضح کیا کہ ان کی یہ حالت کیسے ہوئی۔
کام کے لحاظ سے بات کی جائے تو جمائما کی پروڈکشن میں بنائی جانے والی فلم ” واٹس لو گاٹ ٹو ڈووِد اِٹ ” ہے جس کی کہانی بھی انہوں نے خود ہی لکھی ہے، فلم کی شوٹنگ مکمل ہوچکی ہے تاہم فی الحال ریلیز سے متعلق اعلان نہیں کیا گیا۔
فلم کے ڈائریکٹرشیکھرکپورہیں جوبالی ووڈ کیلئے مسٹرانڈیا اوربینڈٹ کوئین جیسی فلمیں ڈائریکٹ کرچکے ہیں۔ فلم میں ثقافتوں کا ٹکراؤہے لیکن یہ ایک رومینٹک کامیڈی فلم ہے جس میں دکھایا گیا ہے کہ لوگ کیسے کسی شناخت کے پیچھے چھپتے ہیں اور کیسے انفرادی شناخت پر قبائلی شناخت غالب آجاتی ہے جو تصادم کا باعث بن جاتی ہیں۔
فلم کی کاسٹ میں سجل علی، شبانہ اعظمی، پاکستانی نژاد برطانوی اداکار شاہد لطیف، برطانوی اداکارہ للی جیمزاورایما تھامپسن سمیت دیگر شامل ہیں۔
نیوز سورس سما ء نیوز