سابق ٹیسٹ کرکٹر محمد حسین 45 برس کی عمر میں انتقال کرگئے۔
محمد حسین نے 2 ٹیسٹ اور 14 ون ڈے انٹرنیشنل میں پاکستان کی نمائندگی کی۔
سابق ٹیسٹ امپائر میاں اسلم کے مطابق محمد حسین گردوں اور جگر کے عارضے میں مبتلا تھے۔
سابق ٹیسٹ کرکٹر محمد حفیظ نے محمد حسین کے انتقال پر اظہار افسوس
کیا ہے۔
پاکستان کرکٹ بورڈ (پی سی بی) نے آل راؤنڈر محمد حسین کے انتقال پر اظہار افسوس کیا ہے۔
پی سی بی کا کہنا ہے کہ محمد حسین کے انتقال پر گہرا دکھ ہوا، خاندان کے دکھ میں شریک ہیں۔