قومی کرکٹر شان مسعود نے کاؤننٹی کر کٹ میں ڈبل سنچری بنا کر اپنی صلاحیتوں کا بھر پور مظاہرہ کیا۔
ڈبل سنچری کی مبارکباد دینے کے لیے کرکٹر شاداب خان نے ٹوئٹر پر شان مسعود کے لیے بیان جاری کیا۔
شاداب خان نے لکھا کہ میں نے آپ سے کہا تھا کہ آپ تین ڈبل سنچریاں کرو، میں آپ کے پاس آجاؤں گا، بس اب ایک رہ گئی ، دو ہوگئیں ہیں۔
جواب میں شان مسعود نے لکھا کہ بس اب جلدی آجاؤ۔
یاد رہے کہ قومی ٹیم کے لیگ اسپنر شاداب خان کا انگلش کاؤنٹی یارکشائر سے معاہدہ ہو چکا ہے، وہ فاسٹ بولر حارث رؤف کے ہمراہ یارکشائر کی نمائندگی کریں گے۔
دوسری جانب شان مسعود کاؤنٹی چیمپئن شپ میں مسلسل دو اننگز میں 2 ڈبل سنچریاں اسکور کرنے والے پہلے پاکستانی بن گئے۔
شان مسعود نے ڈربی شائرکرکٹ کلب کی نمائندگی کرتے ہوئے لیسٹر شائر کے خلاف ڈبل سنچری بنائی ،پاکستانی اوپنر نے اس سے قبل سسکس کیخلاف 239 رنز کی اننگز کھیلی تھی۔