قومی کرکٹ ٹیم کے کپتان بابر اعظم نے کہا ہے کہ ویسٹ انڈیز کی سیریز کے لیے تیاری کر رہے ہیں سخت موسم میں کھیلنے کی تیاری بھی شروع کردی۔
پریس کانفرنس کے دوران انہوں نے کہا کہ گرمی ضرور ہوگی لیکن ہم تیاری کر رہے ہیں، اب فیصلہ ہو چکا ہے تو سخت موسم میں کھیلنے کی تیاری شروع کردی ہے۔
بابر اعظم نے کہا کہ ویسٹ انڈیز کے خلاف سیریز جیتنا چاہتے ہیں، کل سے کیمپ کا آغاز ہو رہا ہے جس کے لیے پُرجوش ہیں۔
ان کا کہنا تھا کہ اگر ٹیم کھڑی کرنی ہے تو کھلاڑیوں کو مستقل کھلانا پڑے گا۔
کپتان بابر اعظم نے مزید کہا کہ کھلاڑی کو ہمیشہ اپنی پرفارمنس پر توجہ دینی چاہیے۔