پاکستانی کوک اسٹوڈیو کے سیزن 14 میں ریلیز ہونے والے گانے ’پسوڑی‘ نے دنیا کا کوئی کونا نہیں چھوڑا جہاں اُس کے چرچے نہ ہوں۔
بین الاقوامی گلوکاروں، اداکاروں کی جانب سے اس گانے کو مختلف انداز میں متعدد بار گایا گیا اور اس گانے پر ریل بناتے ہوئے دیکھا گیا ہے۔
اب ایک بھارتی فنکارہ، وینا (موسیقی کا آلہ) بجانے کی ماہر کوشل نامی لڑکی نے بھی اس گانے کے ’فیم‘ میں حصہ ڈالا ہے۔
کوشل نے پسوڑی گانے کو وینا پر بجاتے ہوئے اس کی ویڈیو اپنے سوشل میڈیا اکاؤنٹ پر شیئر کی ہے جس پر لاکھوں لائیکس آ رہے ہیں۔
واضح رہے کہ کوک اسٹوڈیو سیزن 14 کے گانے ’پسوڑی‘ کو یوٹیوب پر 17 کروڑ سے زائد مرتبہ دیکھا جاچکا ہے۔
پسوڑی کو معروف گلوکار علی سیٹھی اور گلوکارہ شائے گِل نے گایا ہے.
اس گانے کے بول علی سیٹھی اور فضل عباس نے لکھے ہیں اور کمپوزیشن زلفی نے دی ہے۔