معروف بھارتی اداکارہ عالیہ بھٹ نے مداحوں کو اپنی پہلی ہالی ووڈ فلم ’ہارٹ آف اسٹون‘ میں کام کرنے کے تجربے کے بارے میں بتایا ہے۔
عالیہ بھٹ نے فوٹو اینڈ ویڈیو شیئرنگ ایپ انسٹا گرام پر فلم ’ہارٹ آف اسٹون‘ کے سیٹ پر لی گئی چند تصاویر شیئر کی ہیں۔
اُنہوں نے یہ تصاویر شیئر کرتے ہوئے لکھا ہے کہ میرا دل فلم ’ہارٹ آف اسٹون‘ کے پاس ہے۔
اُنہوں اپنی انسٹا پوسٹ میں اداکارہ گال گیڈوٹ اور فلم کے ڈائریکٹر ٹام ہارپر کا شکریہ بھی ادا کیا ہے۔
اپنی پہلی ہالی ووڈ فلم میں کام کرنے کے تجربے کے بارے میں عالیہ بھٹ نے لکھا ہے کہ ’میں نے آج اداکار جیمی ڈورنان اور فلم کی پوری ٹیم کو ان کے ساتھ کام کرنے کے ناقابلِ فراموش تجربے کی وجہ سے بہت یاد کیا‘۔
عالیہ بھٹ نے اپنی بات مکمل کرتے ہوئے لکھا ہے کہ ’میرا جس طرح خیال رکھا گیا اور جو محبت مجھے ملی، اس کے لیے ہمیشہ شکر گزار رہوں گی‘۔
ٹام ہارپر کی ہدایت کاری میں بننے والی اس اسپائی تھرلر فلم ’ہارٹ آف اسٹون‘ کو گریگ روکا اور ایلیسن شروڈر نے لکھا ہے۔
فلم ’ہارٹ آف سٹون‘ کے پلاٹ کی حوالے سے تمام تفصیلات اور ریلیز کی تاریخ کو خفیہ رکھا گیا ہے۔