لاہور: مسلم لیگ (ن) کی رکن پنجاب اسمبلی حنا پرویز بٹ نے پنجاب کے ضمنی انتخابات میں تحریک انصاف کی جیت پر بیان جاری کیا ہے۔
حنا پرویز نے ٹوئٹر پر جاری بیان میں کہا کہ ‘سیاست کو سیاست رہنا چاہیے دشمنی نہیں بنانا چاہیے، بعض اوقات سیاست میں تلخی بھی آتی ہے مگر آخر میں ہم سب پاکستانی ہیں’۔
لیگی رہنما کا کہنا تھا کہ ‘احترام قائم رہنا چاہیے،ایک دوسرے کو سننے کی برداشت پیدا کرنی چاہیے’۔
ایک اور ٹوئٹ میں حنا پرویز بٹ نے کہا کہ ‘میں پی ٹی آئی کی قیادت اور کارکنوں کو جیت پر مبارکباد پیش کرتی ہوں، ہار جیت زندگی کا حصہ ہے، لیگی کارکنوں کو مایوس نہیں ہونا،انشااللہ شیر bounce back کرے گا۔شیر انشااللہ جلد اک واری فیر’۔
خیال رہے کہ پنجاب اسمبلی کی 20 نشستوں پر ہونے والے ضمنی انتخابات کے نتائج کے مطابق پاکستان تحریک انصاف 15 اور مسلم لیگ (ن) نے 4 نشستوں پر کامیابی حاصل کرلی جب کہ ایک نشست آزاد امیدوار کے حصے میں آئی۔