برمنگھم: کامن ویلتھ گیمز میں کل افتتاحی تقریب میں بسمہ معروف اور انعام بٹ دستے کی قیادت کریں گے۔
افتتاحی تقریب کل برمنگھم میں پاکستانی وقت کے مطابق گیارہ بجے ہوگی۔ پاکستانی دستے کی قیادت قومی کرکٹ ٹیم کی کپتان بسمہ معروف اور گزشتہ گیمز کے گولڈ میڈلسٹ ریسلر انعام بٹ کریں گے۔
پی او اے کے صدر سید عارف حسن نے افتتاحی تقریب میں پرچم اٹھانے کا اعزاز پانے والے کھلاڑیوں کے ناموں کی منظوری دی۔برمنگھم میں خصوصی طور پر تیارہ کردہ گیمز ویلیج میں پاکستانی اتھلیٹس کی آمد کا سلسلہ مختلف گروپس میں جاری ہے۔
یہ بھی پڑھیں: کامن ویلتھ گیمز دستے میں شامل تین پاکستانی کھلاڑی کورونا کا شکار
مجموعی طور پر ایک سو تین اتھیلٹس بارہ کھیلوں میں ملک کی نمائندگی کریں گے۔پاکستانی ویمن کرکٹ ٹیم بھی ان گیمز میں شرکت کررہی ہے۔
دوسری جانب قومی ہاکی ٹیم کو دھچکہ لگا چکا ہے۔ دو کھلاڑیوں عبداللہ اشتیاق اور رانا وحید کا کورونا ٹیسٹ مثبت آچکا ہے۔ان کے ساتھ ایک پاکستانی سوئمر کا رزلٹ بھی کورونا پازیٹو آیا ہے۔ کھلاڑیوں کو ویلیج میں آئسولیٹ کردیا گیا ہے۔