ممبئی کے علاقے اندھیری میں ایک فلم کے سیٹ پر آگ لگ گئی، آج شام لگنے والی آگ میں فی الحال کسی کے زخمی ہونے کی اطلاع نہیں ہے۔
بھارتی میڈیا رپورٹ کے مطابق رنبیر کپور اور شردھا کپور کی فلم کے سیٹ پر آگ لگی تھی۔
تین فائر بریگیڈز نے فوری طور پر آگ بجھانے کا کام شروع کیا، اس علاقے میں یش راج اسٹوڈیوز، فن سنیماز اور بالاجی آفس سمیت کئی فلموں کی سیٹ لگے ہوئے ہیں۔
بونی کپور نے میڈیا کو بتایا کہ آج صرف لائٹس کا کام ہو رہا تھا، کل کی عکسبندی کی تیاری ہو رہی تھی۔
انہوں نے کہا کہ مجھے نہیں معلوم کہ آگ کیسے لگی لیکن ممکنہ طور پر شاٹ سرکٹ کی وجہ سے حادثہ ہوا۔
سنی دیول کے بیٹے راج ویر کی فلم کی شوٹنگ بھی قریب ہی جاری تھی لیکن آگ لگنے کے بعد کام روک دیا گیا۔